ئەمشەو دیاردەیەکی گەردوونی لەدوای خۆرئاوابوون روودەدات کە بە دیاردەی “مانگی زەبەلاح” ناسراوە و تا ساڵێكی دیکە دووبارە نابێتەوە.
بە وتەی شارەزایانی بواری گەردوونناسی، ئەمشەو بە کاتێکی کەم دوای خۆرئاوابوون مانگ بە شێوەیەکی گەورەتر و روونتر لە شەوانی رابردوو دەردەکەوێت.
ئەمساڵ سێ جاری دیکە دیاردەی مانگی زەبەلاح روویانداوە، یەکیان لە مانگی تەمموز و دووانیان لە مانگی ئاب.
ئەم دیارەدەیە کاتێک روودەدات کە مانگ بکەوێتە نزیکترین خاڵ لە زەوییەوە کە دوورییەکەی 363 هەزار و 396 کیلۆمەترە.
