وتەبێژی كۆنگرەی یەكێتی رایدەگەیەنێت، ئەو دوو لیژنەیەی كە دوێنێ كارەكانیان تەواونەكردبوو، ئەمڕۆ تەواوی دەكەن و بڕیاریشە هەر ئەمڕۆ ئەندامانی سەركردایەتیی یەكێتیی هەڵبژێردرێن”.
تەلار لەتیف وتەبێژی پێنجەمین كۆنگرەی یەكێتیی نیشتمانیی كوردستان رایگەیاند، دوێنێ كە دووەم رۆژی كۆنگرەی یەكێتی بوو، لیژنەكانی شەهیدان و زیندانیان و كەمئەندامان و پەیڕەو كارەكانی خۆیان تەواونەكردوو، ئەمڕۆش وەك سێیەمین رۆژ گفتوگۆكانی كۆنگرە بەردەوامدەبێت.
وتیشی، “بڕیارە لەدوای پەسەندكردنی پەیڕەوی ناوخۆ ئەندامانی ئەنجومەنی سەركردایەتیی یەكێتی هەڵببژێردرێن و رێكارەكانی تری كۆنگرە تەواوبكرێن كە لە رۆژانی رابردوودا تەواونەكراون”.
