كەمێك پێش ئێستا د. لەتیف رەشید سەرۆك كۆماری عێراق گەیشتە قەزای حەمدانیە و بڕیارە كەسوكاری قوربانییانی رووداوەكەی حەمدانیە بەسەربكاتەوە و هاوخەمی خۆی بگەیەنێتە كەسوكاری قوربانییانی ئەو رووداوە.
لە وتەیەكیشیدا سەرۆك كۆماری عێراق رایگەیاند، ئامادەی هەموو هاوكارییەكین بۆ بریندارانی ئەو كارەساتە و هاوخەمی خۆمان بۆ كەسوكاری قوربانییانی ئەو رووداوە دووپاتدەكەینەوە.
بڕیارە سەرۆك كۆمار لە سەردانەكەیدا لە نزیكەوە چاودێریی لێكۆڵینەوەكان سەبارەت بە رووداوی ئاگركەوتنەوەكە بكات كە بەهۆیەوە زیاتر لە 100 كەس گیانیان لەدەستدا و 150 كەسی دیكەش برینداربوون.
