بهبۆنهی بهستنی كۆنگرهی پێنجهمی یهكێتیی نیشتمانیی كوردستان، ئهدههم بارزانی پەیامێکی ئاڕاستەی سەرۆکی یەکێتی کرد و رایگەیاند، “به پشتیوانی خوای گهوره كۆنگرهیهكی سهركهوتوو ئهنجام دهدهن و هیوای زیاتر به خهڵك و میللهتهكهمان دهبهخشن”.
ئهدههم بارزانی پەیامێکی پیرۆزبایی ئاڕاستەی بافڵ جهلال تاڵهبانی و تهواوی ئهندامان و لایهنگرانی یهكێتی كرد و ئاماژەی بەوەکرد، “بهبۆنهی بهستنی پێنجهمین كۆنگرهی یهكێتی و نوێبوونهوهی حزبهكهتان پیرۆزبایی گهرم ئاراستهی بهڕێزتان و تهواوی كادیری و لایهنگرانی یهكێتی دهكهم، ئومێدهوارم كۆنگرهی ئهمجارهی یهكێتی ببێته هۆكاری زیاتر ئهنجامدانی كاری پێكهوهیی و بهدهستهێنانی ئامانج و داواكارییهكانی خهڵكی كوردستان”.
لە بەشێکی تری پهیامهكەیدا دەڵێت، “نوێبوونهوه له سیاسهتی حزبهكهتان دهرفهتێكی زێڕینه بۆ یهكخستنی نێوماڵی كورد و بههێزكردنی پێگهی كوردستان له ناوخۆ و دهرهوهی ههرێم”.
ئهو كهسایهتییه سیاسییهی كوردستان له پهیامهكهیدا ئهوهشی خستووهتهڕوو، “یهكێتی وهك هێزێكی كاریگهر لهسهر گۆڕهپانی سیاسی سهنگ و قورسایی خۆی ههیه و جگه لهسهر ئاستی ناوخۆی ههرێم، پێگهیهكی بههێزیشی لهسهر ئاستی عێراق و ناوچهكه ههیه، ئهمهش وادهكات بهستنی كۆنگره لهم دۆخهدا كاریگهریی خۆی ههبێت و وابكات دۆخی هاووڵاتییانی ههرێم له چهقبهستوویی دهرباز بكات”.
