جەعفەر شێخ مستەفا ئەندامی ئەنجومەنی سیاسی و بەرژەوەندییەكانی یەكێتی لە لێدوانێكدا بە تۆڕی میدیایی ئێستای راگەیاند، كارەكانی كۆنگرەی پێنجەمی یەكێتی پێشنیوەڕۆی ئەمڕۆ زۆرباش بەڕێوەچوون و سەركردەی لایەنە سیاسییەكان وتاریان پێشكەشكرد كە سەرجەمیان پەرۆشی بوو بۆ یەكڕیزیی و تەبایی نێوان لایەنە سیاسییەكان.
راشیگەیاند، لە یەك بۆ دوو رۆژی داهاتوودا سەركردایەتیی نوێ بە بەرنامە و سیاسەتێكی نوێوە هەڵدەبژێردرێت.
ئاماژەی بۆ ئەوەش كرد، یەكێتی كاتێك بڕیاری بەستنی كۆنگرەی داوە لەبەردەم دوو هەڵبژاردنی چارەنووسسازدایە و بەردەوام هەوڵدەدات بە بەرنامە و پلانی نوێوە خزمەتی هاوڵاتییانی هەرێمی كوردستان بكات.
