ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 15ی خولی نایابی ئینگلیزی، یانەی تۆتنهام هۆتسپێرز یەکسانبوونی بەرانبەر وڵڤەرهامپتن تۆمارکرد.
وڵڤەرهامپتن لە مۆڵینیۆ میوانداری تۆتنهام هۆتسپێرزی کرد و یاری نێوانیان بە ئەنجامی گۆڵێک یەکسانبوون کۆتاییهات.
گۆڵەکەی سپێرز لە خولەکی یەک لەلایەن تانگوی ندۆمبێلی و گۆڵەکەی وڵڤەر لە خولەکی 86 لەلایەن ڕۆماین سایسەوە تۆمارکران.
یەکسانبوونی تۆتنهام چانسیکی گەورەی لەدەست مۆرینیۆ و پێکهاتەکەیدا، دوو خاڵی گرنگیان لەدەستدا و بە (26) خاڵەوە لە پلەی پێنجەمی ڕیزبەندی یانەکانی پریمەرلیگ جێگیربوون، لە کاتێکدا بە بردنەوە و داماڵینی سێ خاڵ لە گورگەکانی ئینگلتەرا دەیانتوانی لە پلەی هەشتەمەوە بۆ سێیەم سەربکەون.
بەپێی ئەنجامە تۆمارکراوەکە، یانەی تۆتنهام ژمارەی خاڵەکانی لەکۆی 15 یاری ئەم وەرزە (2020/2021) گەیاندە 26 و لە پلەی پێنجەم دوای یانەکانی لیڤەرپوڵ، ئێڤەرتۆن، لیستەر سیتی و مان یونایتد جێگیربوون، لە بەرانبەردا یانەی وڵڤەرهامپتن لە پلەی 12 بۆ 11ی ئاڵوگۆڕی بە پێگەی خۆی لە ڕیزبەندی یانەکاندا کرد.
