بەڕێوەبەرایەتیی پۆلیسی سلێمانی دەستگیرکردنی تۆمەتبارێکی بە بڕێک ماددەی هۆشبەرەوە راگەیاند.
بەڕێوەبەرایەتیی پۆلیسی سلێمانی بڵاویکردەوە، “دوای ئەوەی گومان لەسەر كەسێك دروستبوو كە ماددەی هۆشبەری پێیە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر و كۆكردنەوەی زانیاری توانرا لەلایەن نوسینگەی رۆژهەڵاتی نەهێشتنی تاوانی سلێمانییەوە تۆمەتبار بدۆزرێتەوە و دەستگیربكرێت، لەكاتی دەستگیركردنیشدا دەستگیرا بەسەر نزیكەی 300 گرام ماددەی هۆشبەر لە جۆری كریستاڵ”.
ئاشکراشیکرد، “لە ئێستادا تۆمەتبار (ب، م ،ح لەدایكبووی 1983) بە بڕیاری دادوەر و بەپێی ماددەی 30 ی ساڵی 2020ی ماددە هۆشبەرەكان راگیراوە و لێكۆڵینەوەكان بەردەوامن”.
