بەرێوەبەرایەتیی گشتی نەهێشتنی ماددە هۆشبەرەکان دەستگیرکردنی پێنج تۆمەتبار و دەستبەسەرداگرتنی بڕێكی زۆر لە ماددەی هۆشبەری راگەیاند.
بەڕێوەبەرایەتیی گشتیی نەهێشتنی ماددە هۆشبەرەکان بڵاویکردەوە، “دوای دەستبەرداگرتنی بڕی 11 کیلۆو 650گرام لە ماددەی هۆشبەر لە جۆری کریستاڵ لە شاری هەولێ رو تەواوکردنی رێکارە یاساییەکان و وەرگرتنی بڕیاری دادگای لێکۆڵینەوەی ئاسایش بۆ دەستگیرکردنی تۆمەتباران، دوای هەماهەنگی لەگەڵ بەڕێوەبەرایەتیی نەهێشتنی ماددەهۆشبەرەکانی دەزگای ئاسایش – سلێمانی و بەڕێوەبەرایەتیی ئاسایشی راپەڕین، بە هاوبەشی توانرا پێنج تۆمەتبار لە شاری سلێمانی و شارۆچکەی قەڵادزێ دەستگیربکرێن لەگەڵ بڕێکی تر لەهەمان جۆری ماددەی هۆشبەر”.
ئاشکراشیکرد، “تۆمەتباران پەڕاوی لێکۆڵینەوەیان بۆکراوەتەوە و بەپێی یاسای بەرەنگاربوونەوەی ماددەهۆشبەرەکان و کارتێکەرەئەقڵیەکان رووبەڕوی یاسا دەکرێنەوە”.
