وەزارەتی خوێندنی باڵای هەرێم وردەکاری ژمارەی پێشکەشکاران و وەرگیراوان و کورسییە بەتاڵەکانی بۆ ساڵی نوێی خوێندن لە زانکۆ و پەیمانگاکان خستەڕوو.
وەزارەتی خوێندنی باڵا و توێژینەوەی زانستی هەرێمی کوردستان رایگەیاند، کۆی گشتی خوێندکارانی دەرچووی قۆناغی 12 بە زانستی، وێژەیی، پیشەیی لەگەڵ خوێندنگە نێودەوڵەتییەکانەوە 47 هەزار و 788 خوێندکارە.
بۆ ساڵی نوێی خوێندنیش (2023 – 2024) ئاماژە بەوە دەکەن، کۆی گشتی پلانی وەرگرتنی خوێندکاران لە زانکۆ و پەیمانگاکان، 63 هەزار و 13 کورسییە، لەو ژمارەیەش، 42 هەزار و 985 خوێندکار وەرگیراون کە 36 هەزار و 92 خوێندکاریان دەرچووانی ئەمساڵن و شەش هەزار و 893 خوێندکاری تریشیان دەرچووانی ساڵانی رابردوون.
سەبارەت بە ژمارەی پێشکەشکاران وەزارەتی خوێندنی باڵای هەرێم ئەوەی خستۆتەڕوو، 46 هەزار و 770 خوێندکار داواکاریی وەرگرتنیان پێشکەش کردووە، تێیدا یەک هەزار و 198 خوێندکار وەرنەگیراون و 20 هەزار و 197 کورسی خویندن بە بەتاڵی ماوەتەوە.
