کونسوڵی ئەمریکا لە هەولێر، نیگەرانیی وڵاتەکەی لەبارەی ئەو ئاڵنگارییانەی رووبەڕووی رۆژنامەنووسان دەبنەوە و پاشەکشەی ئازادیی راگەیاندن لە هەرێمی کوردستان خستەڕوو.
مارک سترۆ کونسوڵی گشتیی کونسوڵخانەی ئەمریکا لە هەولێر، ئەمڕۆ هەینی لەگەڵ ژمارەیەک رۆژنامەنووسی دەزگاکانی راگەیاندن کۆبووەوە بۆ ئاشنابوون بە کارە رۆژنامەوانیەکانیان و کاری لە پێشینەی ناوەندەکانیان و ئەو ئاڵنگاریانەی رووبەڕووی میدیای گشتی و رۆژنامەنووسان دەبنەوە.
مارک سترۆ رایگەیاند، “بەردەوامین لە نیگەرانییەکانمان دەربارەی پاشەکشەی ئەم دواییانەی ئازادیی ڕاگەیاندن لە هەرێمی کوردستان”.
وتیشی، پاشەکشەکان لە نموونەی دەستبەسەرکردنی هەڕەمەکییانە و پشکنینی نایاسایی ئامێری ئەلیکترۆنی و کەموکوڕیی لە جێبەجێکردنی یاسای راگەیاندن و یاسای دەستکەوتنی زانیاریی لە هەرێمی کوردستان.
