دەستەی دەستپاکیی عێراق رایگەیاند، کەسێکیان دەستگیرکردووە کە وەک بەڕێوەبەر خۆی ناساندووە و هۆکارەکەشی بۆ ئەوە گەڕاندووەتەوە کە ویستوویەتی کاروبارەکان زووتر بەڕێبکات.
لە راگەیەندراوێکدا دەستەی دەستپاکیی عێراق ئاشکرایکرد، کەشێک چووەتە بەڕێوەبەرایەتیی گشتیی کەمئەندامان و خاوەن پێداویستیی تایبەت لە پارێزگای سەڵاحەدین و خۆی وەک بەرپرسی نووسینگەی دەستەی دەستپاکی ناساندووە.
ئاماژە بۆ ئەوە کراوە کە دوای لێکۆڵینەوە و بەدواداچوون بە بڕیاری دادگا ئەو کەسە دەستگیرکراوە.
تۆمەتبارەکە رایگەیاندووە کە بۆئەوەی کاروبارە کارگێڕییەکان زووتر بەڕێوەبچن ئەو کارەی کردووە.
