سەرۆكی ڕەوتی سەدر لە ماڵەكەی خۆی لە نەجەف لەگەڵ فەرماندەی فەیلەقی قودسی سوپای پاسدارانی ئێران كۆبووەوە.
نوسینگەی سەدر لە ڕاگەیەندراوێكدا ئاشكرایكرد، موقتەدا سەدر، سەرۆكی ڕەوتی سەدر (كەمێك پێش ئێستا) لە حەنانە پێشوازی لە ئیسماعیل قائانی، فەرماندەی فەیلەقی قودسی سوپای پاسدارانی ئێران كرد.
نوسینگەكە وردەكاریی زیاتری ئاشكرانەكردووە.
كۆبوونەوەكەی سەدر و قائانی لەكاتێكدایە، هەوڵەكان بۆ پێكهێنانی حكومەتی نوێ لە عێراق لەبەردەم ئاستەنگدایە، لەو چێوەیەدا دانیشتنی دوێنێی ئەنجومەنی نوێنەران بۆ هەڵبژاردنی سەرۆك كۆماری نوێ سەركەوتوو نەبوو دوای ئەوەی زۆرینەی فراكسیۆنەكان بەشدارییان نەكرد.
