دەسەڵاتدارانی ناوچەیەک لە چین دوای لافاوە بەهێزەکەی ئەو وڵاتە بەدوای زیاتر لە 70 تیمساح دا دەگەڕێن کە لە کێڵگەیەکی بەخێوکردنی ئەو ئاژەڵەدا هەڵاتوون.
میدیا فەرمییەکانی چین ڕایانگەیاندووە، زیاتر لە 70 تیمساح لە نزیک شاری ماومینگ لە پارێزگای گوانگدۆنگ هەڵاتوون، دوای ئەوەی یەکێک لە دەریاچەکانی کە ئەو ئاژەڵەی تێدا بەخێودەکرێت بەهۆی زریانەکەوە لەناوچووە
ڕۆژنامەی فەرمی پەکین نیوز لە ڕاپۆرتێکدا ڕایگەیاند کە ئەفسەرەکان سەرکەوتوو بوون لە گرتنی زۆرێک لەو تیمساحانەی کە هەڵاتبوون.
لە نێو ئەو تیمساحانەی کە هەڵاتبوون 69 تیمساحیان پێگەیشتوون و دوو دانەی تریان بچووکترن.
