بەڕێوەبەرایەتیی پۆلیسی سلێمانی دەستگیرکردنی تۆمەتبارێکی راگەیاند کە بە فێڵی جیاواز پارەی لە هاوڵاتییان وەرگرتووە، یەکێکاین ژنێکە کە ەناوی هاوسەرگیرییەوە پارەی لێوەرگرتووە.
لە راگەیەندراوی پۆلیسی سلێمانیدا هاتووە، چەند هاوڵاتییەک سکاڵایان تۆمارکردووە کە بەشێوەی جۆراوجۆر فێڵیان لێکرابوو و پارەیان لێسەندرابوو، دوای بەدواداچوونی هێزەکانی پۆلیس تۆمەتبارەکە دەستگیرکرا.
ئاماژە بۆ ئەوە دەکات تۆمەتبار، “ر. ا. م.” لەدایکبووی 1995ـە و بەبڕیاری دادوەر راگیراوە.
بەپێی راگەیەندراوەکە، لەکاتی لێکۆڵینەوەدا دەرکەوتووە کە بەناوی هاوسەرگیرییەوە ژنێکی هەڵخەڵەتاندووە و پارەی لێوەرگرتووە.
