وەزارەتی خوێندنی باڵا رایگەیاند، “خوێندکارێکی زانکۆی گەرمیان پلەی سێیەمی لە پێشبڕکێیەکی جیهانی بەدەستهێنا”.
وەزارەتی خوێدنی باڵا و توێژینەوەی زانستیی هەرێم بڵاویکردەوە، رەسوڵ لەتیف، خوێندکاری چالاکی ئەکادیمیای هواوی لە زانکۆی گەرمیان، بە نوێنەرایەتیی کوردستان و عێراق و وڵاتانی رۆژهەڵاتی ناوەڕاست بەشداری لە پێشبڕکێی ساڵانەی هواوی (Huawei ICT Competition 2025) لە وڵاتی چین کرد و پلەی سێیەمی لەسەر ئاستی جیهان بەدەستهێنا.
وەزارەتەکە دەڵێت، ئەو خوێندکارە بەشداریی تاقیکردنەوەی تراکی کلاود (Cloud Track)ی کردبوو کە پێکدێت لە تەکنەلۆجیاکانی (Artificial Intelligence, Cloud Computing and Big Data)، تاقیکردنەوەکە بەشێوەی پراکتیکی بوو، کە بۆ ماوەی هەشت کاتژمێر بەردەوامبوو.
باس لەوەشدەکات، پێشبڕکێکە لە رۆژی 20 بۆ24ی ئایاری 2025 بەڕێوەچوو، بەشداربووان لە 120 تیم پێکهاتبوون کە لە 40 وڵاتی جیهانەوە گەیشتبوونە ئاستی گلۆباڵ لە وڵاتی چین.
