حکومەتی واشنتۆن داوا لە هەردوو حکومەتی هەرێم و بەغداد دەکات کێشەکانی پەیوەست بە بودجە چارەسەربکەن و پێشوازی لە گفتوگۆکانی نێوانیشایان دەکات.
لە پەیامێکدا کە رۆژنامەی سەباح بڵاویکردۆتەوە وەزارەتی دەرەوەی ئەمریكا رایگەیاند، پێشوازی لە گفتوگۆكانی نێوان حكومەتی ناوەند و هەرێمی كوردستان دەكات، هاوکات داواشدەکات كێشەكانیان سەبارەت بە بودجە لەسەر بنەمای دەستوور و لەبەرچاوگرتنی بەرژەوەندیی تەواوی عێراقییەكان چارەسەربكەن.
ئەوەش لەکاتێکدایە رۆژی پێنجشەممە شاندێكی حکومەتی هەرێم سەردانێكی بۆ بەغداد ئەنجامدا بەمەبەستی چارەسەرکردنی کێشەکانی پشکی هەرێم لە بودجەی عێراق و چەندین کۆبوونەوە و دیداریان سەبارەت بە کێشەکانی نێوان هەردوو حکومەت ئەنجامدا.
