وتەبێژی حكومەتی هەرێم رایدەگەیەنێت، “سەردان و كۆبوونەوەكانی شاندی هەرێم لە بەغداد تا درەنگانی شەو بەردەوامدەبێت”.
پێشەوا هەورامانی وتەبێژی حكومەتی ھەرێم رایدەگەیەنێت،”شاندی حكومەت سەردانی نوێنەرایەتیی حكومەتی لە بەغداد کرد و پاش كەمێكی دیكە گەڕێكی دیكەی سەردان و كۆبوونەوەكانی دەستپێدەكاتەوە و تا درەنگانی شەو لەگەڵ سەركردە و لایەنە سیاسییەكانی عێراق بەردەوامدەبێت”.
ئەمڕۆ پێنجشەممە، شاندێكی باڵای هەرێم بە مەبەستی گفتوگۆكردن لەسەر پرسی مووچە و پشكی هەرێمی كوردستان و كێشە هەڵپەسێردراوەكان سەردانی بەغدادی كرد و زنجیرەیەك دیدار و كۆبوونەوەی ئەنجامدا.
