كەمێك لەمەوبەر دووەم برینداری تەقینەوەكەی شاری دهۆك گیانیلەدەستدا.
ئەو كەسەی گیانیلەدەستداوە ناوی نێچیرڤان عەبدولعەزیزە و تەمەنی 25 ساڵە، کارمەندی کۆمپانیای دانانی سیستمی غازی سەمونخانەكە بووە.
تا ئێستا شەش كەس بەهۆی تەقینەوەی تانكیی غاز لە سەمونخانەیەكی شاری دهۆك گیانیان لەدەستداوە و 31 كەس برینداربوون، رووداوەكەش كاردانەوەی فراوانی هاوڵاتییان و حكومەتی لێكەوتووەتەوە و كار بۆ راگرتنی بەكارهێنانی سیستمی غازی شل یاخود سنوورداركردن و مەرجداركردنی بەپێی رێنمایی دەكرێت.
