بەپێی ئەو زانیارییانەی وێبسایت و ناوەندەکانی چاودێریکردنی بومەلەرزە بڵاویان کردووەتەوە و وەک ئەوەی خەڵکی ناوچەکان باسی دەکەن بەرەبەیانی ئەمڕۆ کاتژمێر 2:18 خولەک بومەلەرزەیەک بە گوڕی 4،7 هەندێک ناوچەی سلێمانی هەژاندووە.
بەپێی نەخشەی چاودێریکردنی ناوەندەکان بومەلەرزەکە 4،7 بووە بە پلەی ڕێختەر و چەقی بومەلەرزەکە لەنێوان هەردوو ناحیەی تاسڵوجە و بازیان لە باکووری خۆرئاوای سلێمانی بووە، کە بە قووڵایی 10 کیلۆمەتر لە ناخی زەوییەوە سەرچاوەی گرتووە.
دانیشتووانی هەریەک لە سلێمانی، تاسڵوجە، بازیان، تەکیە، چەمچەماڵ، عەربەت، زەڕایەن و حاجیاوا هەستیان پێکردووە.
