بەڕێوەبەرایەتیی گشتیی تەندروستیی سلێمانی رایدەگەیەنێت، لە ماوەی مانگی رابردوودا هەزار و 292 نەخۆش سەردانی كلینكی نەخۆشییەكانی مەمكیان كردووە و لەو ماوەیەشدا هیچ حاڵەتێكی شێرپەنجەی مەمك تۆمارنەكراوە.
تەندروستی سلێمانی راگەیەندراوێكی بڵاوكردەوە و دەڵێت، لە ماوەی مانگی رابردوودا لە (1 تا 2023/8/31) لە كلینكی چارەسەری نەخۆشییەكانی مەمك هەزار و 292 نەخۆش سەردانیان كردووە، لەو ژمارەیە 461 نەخۆشیان نوێ بوون و ئەوانی دیكە ئەو نەخۆشخانە بوون پێشتر سەردانی ئەو كلینكەیان كردووە”.
ئاماژە بۆ ئەوەش كراوە، ” لە ماوەی مانگی رابردوودا هیچ حاڵەتێكی شێرپەنجەی مەمك لە كلینكی چارەسەری نەخۆشییەكانی مەمك تۆمارنەكراوە، هەروەها 261 نەخۆش بەهۆی بوونی ئازار و 60 نەخۆش بەهۆی بوونی گرێ سەردانیان كردوون.
هەر لە راگەیەندراوەكەدا هاتووە، لەو ماوەیەشدا 395 تیشك گیراوە و 154 سۆنەریش ئەنجامدراون.
