ئەمشەو لە ڕوداوێکی هاتوچۆ لە شاری كەلار لە ئەنجامی پێكدادانی ماتۆڕسكیل و پاسكیلێكەوە کەسێک گیانی لە دەستدا، كە شۆفێری ماتۆڕسكیلەكەیە.
لە ڕاگەیەندراوێكدا ئەمشەو دووشەممە 14ی كانونی یەكەم هاتوچۆی گەرمیان ڕایگەیاندووە، “لەناو شاری کەلار لە گەڕەکی شۆڕش، ڕوداوێکی پێکدادان لەنێوان (ماتۆڕسکیلێک و پاسکیلێک) ڕویدا، لە ئەنجامی ڕوداوەکە شۆفێری ماتۆڕسکیلەکە گیانی لەدەستدا و کەسێکی دیکەش بریندار بوو”.
ئەوەش خراوەتەڕوو، “بریندارەکە بۆ وەرگرتنی چارەسەری پێویست ڕەوانەی نەخۆشخانەی فریاکەوتنی شەهید هەژار کراوە، لێکۆڵینەوەش لەچۆنیەتی ڕوداوەکە لەلایەن تیمەکانی هاتوچۆوە دەستی پێکردووە”.
