لە قەزای خەباتی سەر بە پارێزگای هەولێر شەڕە تەقە لە نێوان چەند كەسێك و خاوەنی موەلیدەیەكی ئەهلی روویدا و بەهۆیەوە كەسێك برینداربووە.
پەیامنێری تۆڕی میدیایی ئێستا لە شاری هەولێر گواستییەوە، كەمێك پێش ئێستا شەڕە تەقە لە نێوان چەند كەسێك و خاوەنی موەلیدەیەكی ئەهلی روویداوە و بەهۆیەوە كەسێك برینداربووە و وتیشی، “هێزە ئەمنییەكانیش گەیشتوونەتە شوێنی رووداوەكە و لێكۆڵینەوەكانیان دەستپێكردووە”.
ئاماژەی بۆ ئەوەش كرد، تائێستا لەلایەن هێزە ئەمنییەكانەوە وردەكاریی رووداوەكە ئاشكرانەكراوە.
