رێکخراوی نەتەوە یەکگرتووەکان بڵاویکردەوە، گەر هەنگاوەکانی گەشەپێدانی ژنان و کچان خێراتر نەکرێن تا ساڵ 2030 340 ملیۆنیان رووبەڕووی هەژاری لەڕادەبەردە دەبنەوە.
رێکخراوی نەتەوە یەکگرتووەکان لە نوێترین راپۆرتیدا سەبارەت بە رەوشی نوێی یەکسانی رەگەز و بەهێزکردنی خانمان بڵاویکردەوە،”ئامانجەکانی گەشەپێدانی بەردەوام لەسەر ئاستی جیهان دواکەوتووە و ئەگەر بەرەوپێشچوون بەخۆیەوە نەبینێت ئەوا لە ساڵی 2030دا 340 ملیۆن ژن و منداڵی کچ لە جیهاندا رووبەڕووی هەژاری لەڕادەبەدەردا دەبنەوە”.
هەر بەپێی راپۆرتەکە، “110 ملیۆن ژن و منداڵی کچ لەبەردەم مەترسییەکانی بێبەشبوونیاندان لە خوێندن”.
ئاشکراشیکرد، “لە پێناو گەیشتن بە ئامانجەکانی یەکسانی ڕەگەز و بەهێزبوونی خانمان، لە ساڵێکدا پێویستییان بە 360 ملیۆن دۆلار هاوکاری زیادە هەیە”.
