بەڕێوەبەرایەتیی پۆلیسی راپەڕین رایدەگەیەنێت، لە رووداوێکی تەقەکردن لە نێوان چەند گەنجێكدا لە قەڵادزێ 3 كەس كوژران.
شۆڕش ئیسماعیل وتەبێژی بەڕێوەبەرایەتیی پۆلیسی راپەڕین لە لێدوانێكدا بە تۆڕی میدیایی ئێستای راگەیاند، تەرمی سێ كەس گەیەندراونەتە نەخۆشخانەی فریاكەوتنی قەڵادزێ كە لە رووداوێکی تەقەکردن لە نێوانیاندا كوژراون و تائێستا هۆكار و وردەكاریی رووداوەكە ئاشكرانەكراوە.
ئاماژەی بۆ ئەوەش كرد، هێزە ئەمنییەكان لێكۆڵینەوەیان لە رووداوەكە دەستپێكردووە و دوای وەرگرتن و كۆكردنەوەی زانیاریی ورد بۆ راگەیاندنەكانی بڵاودەكەینەوە.
