یەکێک لە بریندارەکانی ڕووداوی هاتوچۆکەی دوێنێی سەر ڕێگەی سلێمانی-عەربەت، ئەمڕۆ گیانیلەدەستدا.
دوێنێ سێشەممە ڕووداوێکی هاتوچۆ لەسەر ڕێگای سلێمانی – عەربەت ڕوویدا و بەپێی وتەی شایەتحاڵێکی ڕووداوەکە، ئۆتۆمبێلێکی تاکسی بەرەو سلێمانی ڕۆشتووه و ئۆتۆمبێلێكی تری ساڵۆن لە سایدی بەرامبەرەوە چووەتەسەر سایدی تاکسییەکە و بەو هۆیەوە پێكدادان لە نێوان هەردوو ئۆتۆمبێلەكەدا ڕوویداوە.
بەهۆی ڕووداوەکەوە چەند کەسێک برینداربوون، یەکێک لە بریندارەکان بەناوی یاسین حسین عەبدوڵا، تەمەن 40 ساڵ لە نەخۆشخانە گیانیلەدەستدا.
ئەو هاوڵاتییەی گیانیلەدەستداوە خێزاندارە و خاوەنی دوو منداڵە.
