وەزارەتی ئاوەدانكردنەوە و نیشتەجێكردنی هەرێم رایدەگەیەنێت، ” لە ماوەی نزیكەی مانگێكدا ژمارەی ئەو خێزانانەی فۆڕمی وەرگرتنی یەكەی نیشتەجێبوونیان پركردووەتەوە گەیشتووەتە 17 هەزار و 954 فۆڕم.
بەگوێرەی راگەیەندراوێكی وەزارەتی ئاوەدانكردنەوە و نیشتەجێكردن كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی سێشەممە دانا عەبدولكەریم وەزیری ئاوەدانكردنەوە و نیشتەجێكردن، لە رێوڕەسمێكدا پڕۆسەی دابەشكردنی فۆرمی یەكەی نیشتەجێبوون و كاراكردنی فۆرمەكەی بە شێوەی ئۆنلاین بۆ هاوڵاتییانی كەمدەرامەت راگەیاند.
لە راگەیەندراوەكەدا هاتووە، پڕكردنەوەی فۆڕمەكە تاوەكو 1ی كانونی یەكەمی ئەمساڵ بەردەوامدەبێت و هەر خێزانێكیش بە ناردنی داواكارییەكەی لە رێگەی ئەژماری تایبەت بەخۆی بەردەوام تا بەردەستبوونی سیستمی ناوبراو دەسەڵاتی پیاداچوونەوەی زانیارییەكانی هەیە، هەر لە ڕێگەی ئەو ئەژمارەشەوە توانای وەرگرتنەوەی ئەنجامەكانی هەیە.
