بەڕێوەبەرایەتییەكی گشتیی نوێ لە هەڵەبجە دەكرێتەوە كە سەر بە وەزارەتی ئاوەدانكردنەوە دەبێت.
حكومەتی هەرێم بڕیاریدا بە كردنەوەی (بەڕێوەبەرایەتیی گشتیی رێگاوبان، ئاوەدانکردنەوە و نیشتەجێکردن) لە پارێزگای هەڵەبجە.
بەڕێوەبەرایەتییە نوێیەكە، كە سەر بە وەزارەتی ئاوەدانکردنەوە و نیشتەجێکردنی هەرێم دەبێت، بە مەبەستی سەرپەرشتیکردن و بەدواداچوونی پڕۆژەکانی رێگاوبان، ئاوەدانکردنەوە، نیشتەجێکردن و گەیاندنی خزمەتگوزارییە بۆ هاوڵاتیانی سنووری پارێزگای هەڵەبجە، وەك ئەوەی فەرمانگەی میدیا و زانیاری بڵاوكردووەتەوە.
