پۆلیسی عێراق لە پارێزگای واست رایگەیاند، منداڵێکیان رزگارکردووە کە لەلایەن دایکیەوە فڕێدراوەتە ناو رووباری دیجلەوە، هەروەها دایکەکەی دانیناوە بەوەدا کە بەهۆی کێشەی لەگەڵ هاوسەرەکەیدا کچەکەی فڕێداوە.
پۆلیسی واست رایگەیاند، ژنێکیان دەستگیرکردووە کە کچەکەی فڕێداوەتە ناو رووباری دیجلەوە بەهۆی ناکۆکیی خێزانییەوە لەگەڵ هاوسەرەکەی.
لە ڕاگەیەندراوێکدا کە میدیا ناوخۆییەکانی عێراق بڵاویانکردووەتەوە، ئاماژەی بەوەکردووە، “هەواڵێک هەبووە کە منداڵێک لە رووباری دیجلەدا خنکاوە لەشاری کوت سەنتەری پارێزگای واست دوای کۆکردنەوەی زانیاری و بەدواداچوون دەرکەوت کە دایکی منداڵەکە فڕێیداوەتە ناو رووباری دیجلەوە بەهۆی کێشەی خێزانی لەگەڵیدا هاوسەرەکەیدا”.
جەخت لەوە دەکاتەوە کە “منداڵەکە رزگارکراوە و گواستراوەتەوە بۆ چاودێری”.
ئاماژەی بە دەستگیرکردنی دایکەکە کردووە، جەختیشی لەوە کردووەتەوە کە “پۆلیس ڕێوشوێنی یاسایی لە دژی گرتووەتەبەر، بۆ ئەوەی ڕەوانەی دادگای تایبەتمەند بکرێت”.
