رێبوار تەها ئەندامی سەركردایەتیی یەكێتیی نیشتمانیی كوردستان دەڵێت، داوامان لە هێزە سەربازییەكان كردووە ئەو دۆخە سەربازی و پشكنینەی گەڕەكە كوردییەكان لە كەركوك رابگرن، بە پێچەوانەوە هەڵوێستی توندمان دەبێت.
راشیگەیاند، ئەو هاوڵاتییانەی دوێنێ لە خۆپیشاندانەكان شەهیدبوون كوڕی شارەكەی منن و هەموو كات پێشەنگبوون لە بەرەنگاربوونەوەی نەیارانی كورددا.
ئاماژەی بۆ ئەوەش كرد، ئەو گەنجانەی دوێنێ دەستبەسەركرابوون ئەمرۆ لە رێگای نوێنەرە یاساییەكانی یەكێتیی نیشتمانیی كوردستانەوە ئازادكران و رۆحی شەهیدانمان شادبێت ئەوان شكۆی نەتەوەیەكن، بە هیوای چاكبوونەوە بۆ بریندارەكان.
