داهاتی ناوخۆیی هەردوو پارێزگای سلێمانی و هەڵەبجە لە هەفتەی رابردوودا زیاتر لە 24 ملیار دینارە.
سایتی (شەفافیەت)ی تایبەت بە داهات لە سنووری هەردوو پارێزگای سلێمانی و هەڵەبجە و ئیدارە سەربەخۆكانی گەرمیان و راپەڕین بڵاویكردەوە، كۆی داهات لەماوەی 26ی ئاب تا 16ی ئەیلول (هەفتەی رابردوو) 24 ملیار و 786 ملیۆن و 845 هەزار و 577 دینار بووە.
هەر بەپێی سایتەكە داهاتی مانگی رابردووی سنوورەكە 100 ملیار و 837 ملیۆن و 589 هەزار و 683 دینار بووە.
شەفافیەت تایبەتە بە چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان لە رۆژی 15ی كانونی یەكەمی 2022 بە بڕیاری قوباد تاڵەبانی، جێگری سەرۆك وەزیران راگەیەنرا و دەستبەكاربوو.
سایتەكە رۆژانە سەرجەم داهاتە نانەوتییەكانی سنوورەكە بڵاودەكاتەوە. لێرەوە سەردانی سایتی شەفافیەت بكە.
