سەرۆکی یەکێتی تۆپی پێی ئەوروپا ڕەتیکردەوە هیچ یانەیەکی سعودی بەشداری چامپیۆنز لیگ بکات.
ئالیکسەندەر چیڤرین سەرۆکی یەکێتیی تۆپی پێی ئەوروپا دەڵێت: باشترین یاریزانەکان ناچنە خولی سعودی، ئەوانەى چوون لە پێناو پارە چوون.
دەشڵێت: مباپی و هالاند و کییەزا باشترینن و لە ئەوروپا یاریی دەکەن و ناچنە سعودییە.
سەرۆکی یەکێتی تۆپی پێی ئەوروپا دوپاتیدەکاتەوە کە هیچ یانەیەکی سعودی بەشداری چامپیۆنز لیگی ئەوروپا ناکات.
دەشڵێت: پێشتر ئەو پارە خەرجکردنەمان لە چین بینیوە و دەریشکەوتووە کە هیچ سودێکی بۆ هەڵبژاردەى وڵاتەکە نەبووە.
