کەشناسیی هەرێمی کوردستان کەشوهەوای ئەمڕۆ و سبەینێی ناوچە جیاوازەکانی بڵاوکردەوە، بەپێی پێشبینییەکان ئەمڕۆ پلەکانی گەرما زیاتر دادەبەزن و سبەینێ جارێکی دیکە بەرزدەبنەوە.
بەڕێوەبەرایەتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ ئاسمان ساماڵ و پەڵەهەور دەبێت، لە هەندێک ناوچە دەگۆڕێت بۆ نیمچەهەور.
پلەکانی گەرما بە نزیکەیی 1 بۆ 3 پلە نزمدەبنەوە بەراورد بە تۆمارکراوەکانی دوێنێ.
هەروەها سبەینێ هەینی ئاسمان ساماڵ و پەڵەهەور دەبێت، پلەکانی گەرماش 1 بۆ 3 پلە بەرزدەبنەوە.
