دەزگای ئاسایشی هەرێمی کوردستان دەستگیرکردنی چەند تۆمەتبارێك بە كوشتنی راگەیاند لە دۆسیەی كوشتنی چەند مانگێك لەمەوبەری هاوڵاتییەكی چەمچەماڵدا.
لە راگەیەندراوەکەی دەزگای ئاسایشدا هاتووە، چەند کەسێک کە بەرپرسیاربوون لە کوشتنی هاوڵاتیی “حسێن مەلا ئەحمەد” لە نزیک شارۆچکەی چەمچەماڵ دەستگیرکراون.
بەپێی راگەیەندراوەکە، چەند کەسێک لە رۆژی 2023/5/7 هاوڵاتییەکیان لە نزیک شارۆچکەی چەمچەماڵ کوشت، ئەو تۆمەتبارانە دەستگیرکراون.
ئاماژە بەوەدەکات، تۆمەتباران لەدوای ئەنجامدانی تاوانەکە هەڵاتبوون بۆ دەرەوەی هەرێمی کوردستان.
راشیگەیاندووە، لە ئۆپەراسیۆنێکدا لە سنووری پارێزگای دیالە هەردوو تۆمەتبار دەستگیرکراون.
