وەزارەتی خوێندنی باڵا و توێژینەوەی زانستیی عێراق کرێی خوێندنی بۆ خوێندنی دبلۆمی باڵا، ماستەر و دکتۆرا راگەیاند.
وتەبێژی وەزارەتی خوێندنی باڵای عێراق رایگەیاند، وەزارەت کرێی خوێندنی بۆ خوێندکارانی خوێندنی باڵا دیاریکردووە کە بۆ ساڵی خوێندنی (2023 – 2024) وەرگیراون.
بەپێی وەزارەتەکە، بڕی پارەی خوێندنی بەشە مرۆڤایەتییەکان بە دوو ملیۆن و 250 هەزار دینار بۆ خوێندنی دبلۆمی باڵا و سێ ملیۆن بۆ ماستەر و سێ ملیۆن و 750 هەزار دینار بۆ خوێندنی دکتۆرا دانرا.
هەروەها، “کرێی بەشە زانستییەکان بە سێ ملیۆن بۆ بڕوانامەی دبلۆمی باڵا، سێ ملیۆن و 750 هەزار دینار بۆ ماستەر، چوار ملیۆن و 500 هەزار دینار بۆ خوێندنی دکتۆرا”.
