روانگەی عێراقی سەوز، کە تایبەتە بە کاروباری ژینگەیی روونیکردەوە، چوار ناوچەی عێراق مەترسیی بومەلەرزەیان لەسەرە و بەشێکیشی شار و شارۆچکەکانی هەرێمی کوردستانە.
روانگەکە ئاماژە بۆ ئەوە دەکات، عێراق دابەشبووە بەسەر چوار ناوچە لەچێوەی پشتێنەکانی بومەلەرزە، کە مەترسیدارترینیان سنوورەکانی ئێرانن، ناوچەکانی هەڵەبجە و گەرمیان دەگرێتەوە.
رایگەیاندووە، عێراقیش وەک وڵاتانی جیهان بومەلەرزە و پاشلەرزەکانی تێدا روودەدات، بەپێی روانگەی عێراقی سەوز، عێراق بەسەر چوار ناوچەی مەترسیداردا دابەشدەبێت بۆ بومەلەرزە کە مەترسیدارترینیان لە هەڵەبجەوە دەستپێدەکات تا کەلار، کفری و خانەقین.
روانگەی ژینگەیی رایگەیاندووە، دووەم ناوچەی مەترسیدار لە باکووری شاری میسانە.
هەر بەپێی ئەو هەڵسەنگاندنە، باکووری هەرێمی کوردستان و پارێزگای واست و لە پلەی سێیەم دێت و کەمتر بومەلەرزەی تێدا هەیە بەراورد بە ناوچەکانی یەکەم و دووەم.
هۆشداریشی دا کە “بەغداد و پارێزگاکانی ڕۆژئاوا، ناوەڕاست و باشووری فورات، لە پلەی چوارەمدا دێن لە رووی مەترسیی بومەلەرزەوە.
