ئاژانسی رووبەڕووبوونەوەی تیرۆری عێراق ئاشکرایکرد، بەهۆی هەماهەنگیی تەواو لەنێوان هێزە ئەمنییەکانی عێراق و هەرێمی کوردستان 147 داواکراو دەستگیرکراون.
ئاژانسی رووبەڕووبوونەوەی تیرۆری عێراق رایگەیاند، هەماهەنگیی ئاست بەرزی نێوان دەزگای بەرەنگاربوونەوەی تیرۆر و هێزە ئەمنییەکان لە هەرێمی کوردستان هۆکاربوو بۆ چەندین ئۆپەراسیۆنی سەرکەوتوو لەسەر بنەمای زانیاریی ئەمنی و هەواڵگری.
ئاماژەی بەوەدا کە ئەم هەماهەنگییە لە پێویستی یەکخستنی هەوڵە ئەمنییەکان بە مەبەستی سەرکوتکردنی چەتەکانی داعش و ئاسانکاری بۆ پرۆسەی چاودێریکردن و بەدواداچوونیان سەرچاوە دەگرێت.
ئەو هەوڵ و هەماهەنگییانە ئەنجامەکەی دەستگیرکردنی 147 داواکراوبووە کە لەلایەن دەزگای بەرەنگاربوونەوەی تیرۆری عێراقەوە داواکرابوون.
