نیوەڕۆی ئەمڕۆ لە بیارە ئۆتۆمبێلێک وەرگەڕا و بەهۆیەوە کەسێک گیانیلەدەستدا و شەش کەسی دیکەش برینداربوون.
بەڕێوەبەرایەتیی هاتوچۆی هەڵەبجە بڵاویکردەوە، “کەمێك پێش ئێستا ئۆتۆمبێلێکی جۆری تۆیۆتا فۆرچنەر لە هەورامانەوە بە ئاڕاستەی خورماڵ رۆیشتووە، لە نزیك نەخۆشخانەی بیارە وەگەڕاوە و بەهۆیەوە شۆفێرەکەی گیانیلەدەستداوە و شەش کەس کە سەرنشینن برینداربوون”.
ئاماژەی بەوەشکرد، “بریندارەکان بە مەبەستی وەرگرتنی چارەسەری پێوست گواسترانەوە بۆ نەخۆشخانەی فریاکەوتن لە ناحیەی خورماڵ و لێکۆڵینەوە لە رووداوەکە لەلایەن تیمی هاتووچۆوە دەستیپێکردووە”.
بەپێی زانیارییەکان قوربانییەکانی ناو ئەو رووداوی هاتوچۆیە سەرجەمیان ئەندامی یەک خانەوادەن.
