وەزیری كۆچ گەڕانەوەی 292 ئاوارەی ئێزدی لە كامپەكانی دهۆكەوە بۆ شەنگال رادەگەیەنێت.
ئیڤان فایەق، وەزیری كۆچ و كۆچبەرانی عێراق رایگەیاند، 292 ئاوارەی ئێزدی بە شێوەی خۆویستانە لە كامپەكانی پارێزگای دهۆكەوە بۆ ناوچەی نیشتەجێبوونی بنەڕەتییان لە قەزای شەنگال-ی سەر بە پارێزگای موسڵ گەڕاونەتەوە.
داواشی لە كارمەندانی وەزارەتەكەی كرد سەرجەم ئاسانكاری و پێداویستییەكان بۆ خێزانە گەڕاوەكان دابین بكەن.
دوێنێش وەزیری كۆچ گەڕانەوەی 117 ئاوارەی لە كامپەكانی هەولێرەوە بۆ شوێنی بنەڕەتیی نیشتەجێبوونیان لە (سەنتەری شاری موسڵ، قەزای تەلەعفەر، ناحیەی سینییە و قەزای تكریت) راگەیاند.
