توێژینەوەیەکی نەتەوەیەکگرتووەکان ئاشکرایکردووە کە پێناچێت زیرەکیی دەستکرد بە تەواوەتی کارەکانی زۆربەی خەڵک بگرێتەدەست، بەڵام بەشێک لە ئەرکەکانیان بەشیوەیەکی ئۆتۆماتیکی دەکات و هۆشداری لە بارەی دروستکردنی مەترسی بۆسەر کارەکانی ژنان دەدرێت.
توێژینەوەکە کە لەلایەن رێکخراوی نێودەوڵەتیی کارەوە ئامادەکراوە و گەیشتووەنەتە ئەو ئەنجامەی کە زۆربەی کار و پیشەسازییەکان دەتواندرێت تەنها بەشێکیان بە ئۆتۆماتیکی کاریان پێبکرێت و پێدەچێت تەواوکەریان بۆ دابنرێت نەک بە زیرەکیی دەستکرد جێگەیان پڕبکرێتەوە.
ئەوەشیان خستووەتەڕوو کە زیرەکیی دەستکرد مەترسی لەسەر کارەکانی ژنان دروستدەکات بەتایبەتی لە بواری کارگێڕی و ئۆفیسەکان کە بەشێکی زۆریان لەو بوارەدا کاردەکەن، ئەوەش لەکاتێکدایە کە زیرەکیی دەستکرد توانای بەرهەمهێنانی دەق و وێنە و دەنگ و ئەنیمەیشن و مۆدێلی سێ رەهەندی و داتاکانی تری هەیە.
