شارەزایانی بواری ئاژەڵ ئاشکرایدەکەن، سەگ لە ڕێگەی بۆنکردنەوە هەست بە دڵەڕاوکێی خاوەنەکەی دەکات.
شارەزایانی بواری ئاژەڵ، لەنوێترین توێژینەوەیاندا ئەوەیان بۆ ئاشکرابووە سەگ لەڕێگەی بۆنکردنی ئارەق و هەناسەی خاوەنەکەیەوە هەستی دڵەڕاوکێی دەناسێتەوە.
توێژەران نموونەی بۆنی ئارەق و هەناسەی 700 خاوەنی سەگیان لەکاتی دڵەڕاوکێدا وەرگرت و لەو ژمارەیەش 650 سەگیان سەرکەوتوو بوون لە دۆزینەوەی هەستی دڵەڕاوکێی خاوەنەکانیان.
شارەزایانی بواری تەندروستی دڵخۆشی خۆیان بە ئەنجامی ئەو توێژینەوەیە دەربڕیوە و باسیان لەوەکرد، ئومێد هەیە لە داهاتوودا سەگ وەک بەشێک لە چارەسەری بەکاربهێنرێت.
