وەزارەتی پەروەردەی حکومەتی هەرێمی کوردستان ساڵنامەی بۆ ساڵی خوێندنی 2023 – 2024ی بڵاوکردەوە، بەپێی ساڵنامەکە رۆژانی شەممە و هەینیی هەموو هەفتەیەک پشوو دەبێت.
لە خشتەکەی وەزارەتی پەروەردەدا هاتووە، “لە رۆژانی 12 تا 17ی 9 ئامادەکاریی و رێنوێنیکردنی خوێندکارە و لە 17ی 9ی 2023 وانەخوێندن دەستپێدەکات”.
وەزارەتی پەروەردەی حکومەتی هەرێمی کوردستان ئاشكرایكردووە، بۆ وەرزی یەکەمی خوێندن تەنها 83 رۆژ دەوامی فەرمییە و خوێندن لە رۆژی 13ی ئەیلولەوە دەستپێدەکات و هەفتەی یەکەم بریتییە لە ئامادەکاریی و رێنوێنی.
بەپێی راگەیەندراوەکە، لە هەفتەیەکدا تەنها پێنج رۆژ خوێندکاران و مامۆستایان دەچنەوە بۆ خوێندنگەکانیان و دەوام دەبێت و رۆژانی هەینی و شەممە پشووی فەرمییە.
