کەریم شوکر رایگەیاند، دەنگدان بە پرۆژە یاسای نەوت و غاز هێندە ئاسان نییە و پێشبینی دەکەن بکەوێتە دوای هەڵبژاردنی ئەنجومەنی پارێزگاکان.
کەریم شوکر ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، “یاسای نەوت و غاز چەند رەهەندی یاسایی هەیە، هێندە رەهەندی سیاسیی هەیە و پێویستە رێکەوتنی لایەنە سیاسییەکانی لەسەربێت”.
ئاماژەی بەوەشکرد، “بەشێکی دیکە لەو کێشانەی لەبەردەم دەرچوونی یاسای نەوت و غازدایە فرۆشتنییەتی لە رابردوودا کە بە چەند و چۆن فرۆشراون گرێبەستەکان چۆن کراون”.
بە وتەی کەریم شوکر، “دەنگدان بە پرۆژە یاساکە دەکەوێتە دوای هەڵبژاردنی ئەنجومەنی پارێزگاکان، دواتریش نازانین چەندی کات دەوێت تا رێکەوتنی لەبارەوە دەکرێت”.
