پارێزگاری بانكی ناوەندیی عێراق رایدەگەیەنێت، لە فڕۆكەخانەكانی عێراق دۆلار بە نرخی فەرمی بانكی ناوەندی دەدرێتە گەشتیاران جگە لەو وڵاتانەی كە لەلایەن ئەمریكاوە سزادراون.
عەلی عەلاق پارێزگاری بانكی ناوەندیی عێراق رایگەیاند، لە ئێستادا بەشێكی زۆر لە بانكەكان لە ژێر چاودێرییەكی ورد و كۆنترۆڵی بانكی ناوەندیی عێراقدا نین، بەڵام لەگەڵ ئەوەشدا هەنگاوی گرنگ نراوە و سەركەوتن بەدەستهاتووە.
راشیگەیاند، رێگە بە كردنەوەی نووسینگەی ئاڵوگۆڕی دراو دەدەن لەناو فڕۆكەخانەكان و دۆلاریش بە نرخی فەرمیی دەدرێتە سەرجەم گەشتیاران بەبێ جیاوازی، جگە لەو گەشتیانەی سەردانی ئەو وڵاتانە دەكەن كە لەلایەن ئەمریكاوە سزایان بەسەردا سەپێندراوە.
