هاری کەین دڵخۆشە بە پەیوەندی کردنی بە یانەى بایرن میونشنەوە و پێیوایە ئەو ئێستا بۆ یاریکردن ئامادەیە.
ستایشی تۆماس مۆلەر و تۆماس تۆخێلی کرد و ئاماژەى بەوەدا کە بەهۆی ئەوانەوە رازی بووە.
بەشێک لەقسەکانی کەین
/ دوێنێ چاوم بە مۆلەر کەوت ئەو یاریزانێکی گرنگی تیپەکەیە و یەکێکە لە کاپتنەکان، بە پەرۆشم بۆ یاریکردن لەگەڵیدا
/ تۆماس تۆخێل بەشێک بوو لە هۆکاری هاتنم بۆ بایرن میونشن، خێزانەکەم پشتگیری کردم و هەموو شتێک لە پێناو ئەوەبوو پەیوەندی بە بایرنەوە بکەم
/ 40 کاتژمێری رابردوو چەندین روداوی جیاواز رویاندا، من دڵخۆشم ئێستا لە بایرنم، خێزانەکەم پشتگیری کردم بەڵام هێشتا منداڵەکانم لە بابەتەکە تێناگەن
/ هەست بە بەرپرسیارێتی دەکەم، هەموو تواناى خۆم لە یاریگادا پیشان دەدەم
/ من دڵخۆشم بە ڕاهێنان کردن و ناسینی هاوڕێکانم، سوپاس بۆ هەموو هاندەران بۆپێشوازی لێکردنیان لێم
/ بەداخەوە یاریی رابردوو بەو جۆرە نەرۆیشت کە دەمانویست، بەڵام هێشتا وەرزێکی دورودرێژ چاوەرێمان دەکات
/ ئامانجمان لەگەڵ تۆخێل بەدەستهێنانی زۆرترین ناسناوە، پێویستم بە کاتە بۆ ناسینی هاوڕێکانم
/ بایرن چەندین جار ناسناوی خولی ئەڵمانیای بەدەستهێناوە، ئامانجم بردنەوەى هەموو ناسناوەکانە، ئەوەش پێشبینی لە بایرن دەکەم
