بگۆڕی پڕۆژەی ئاوی سلێمانی سووتا و دوای 12 كاتژمێر چاككرایەوە، بەڕێوەبەرایەتی ئاوی سلێمانی دەڵێت، بەهۆیەوە دابەشكردنی ئاو گۆڕانكاری بەسەردا دێت.
دوای سووتانی بگۆڕ (محاویلە)ی سەرەکیی پڕۆژەی ئاوی دوکان-سلێمانی هێڵی دوو، وێستگەی تاسڵوجە، بەڕێوەبەرایەتیی ئاوی سلێمانی دەڵێت، كارمەندانی پرۆژەكە دوای زیاتر لە 12 كاتژمێر كاركردنی بەردەوام تیایدا، كێشەكەیان چارەسەركرد.
دەشڵێت، بەهۆی گرفتەكەوە گۆڕانکاری لە دابەشکردنی ئاوی خواردنەوە بۆ ماوەی 24 كاتژمێر لە چەند گەڕەکێکی سلێمانی و دەوروبەری دەبێت.
