بافڵ جەلال تاڵەبانی سەرۆكی یەكێتیی نیشتمانیی كوردستان پەیامێكی هاوخەمی ئاڕاستەی فوئاد مەعسوم، ئەندامی دەستەی دامەزرێنەری یەكێتیی نیشتمانیی كوردستان و سەرۆك كۆماری پێشووتری عێراق دەكات بۆ كۆچی دوایی رووناك عەبدولواحیدی هاوسەرییەوە.
دەقی پەیامەكەی بافڵ جەلال تاڵەبانی:
بەڕێز كاك دكتۆر فوئاد مەعسوم، ئەندامی دەستەی دامەزرێنەری یەكێتیی نیشتمانیی كوردستان و سەرۆك كۆماری پێشووتری عێراق.
بۆ كۆچی دوایی خاتوو (رووناك عەبدولواحید) ی هاوسەرتان و خانمی یەكەمی پێشووتری عێراق، پرسە و سەرەخۆشیی قووڵی خۆمانتان پێڕادەگەیەنین و بەشداریی خەم و ماتەمی ئێوە و كەسوكار و خانەوادە سەربەرز و تێكۆشەرەكەتانین كە لە شۆڕشی نوێی گەلەكەمان جێ دەست و رۆڵتان دیار و بەرچاوبووە.
لە خوای گەورە داواكارین گیانی كۆچكردوو بە بەهەشتی بەرینی خۆی شادبكات، سەبووری و ئارامیش بەهەموولایەكتان ببەخشێت.
دڵسۆزتانبافڵ جەلال تاڵەبانیسەرۆكی یەكێتیی نیشتمانیی كوردستان
