لە بەیانی ئەمڕۆوە ژمارەیەک لە فڕۆکەوانانی هێڵی ئاسمانی عێراقی مانگرتنیان لە کارکردن راگەیاند و بەهۆیەوە ژمارەیەکی زۆر لە گەشتە ئاسمانییەکان پەکیانکەوت.
میدیا عێراقییەکان بڵاویانکردەوە، “لەبەرامبەر زیادنەکردنی شایستە داراییەکانیاندا زۆرینیە فڕۆکەوانەکانی سەر بە هێڵی ئاسمانی عێراقی مانگرتنیان راگەیاندووە و ئامادەنین دەست بە کارکردن بکەنەوە”.
ئاشکراشیانکرد، “بەهۆی ئەو مانگرتنەوە ژمارەیەکی زۆر لە گەشتە ئاسمانییەکان لە فڕۆکەخانەی نێودەوڵەتی بەغداد پەکیان کەوتووە”.
