گومانی تێدانییە، شوشتنی ددانەکان رۆژانە دووجار و بۆ هەر جارێک بۆ ماوەی دوو خولەک یەکێکە لە رێگەکانی پارێزگاریکردن لە تەندروستیی ددانەکان و سپیبوونەوەیان، بەڵام هەڵەیەک لە کاتی شوشتنی دداندا وادەکات کە رێگری لە سپیبوونەوەی بکات.
بایال بەهالا پزیشکێکی پسپۆڕی ددانەکانە، رایدەگەیەنێت، تەڕنەکردنی ددانەکان پێشئەوەی مەعجونی لێبدەیت یەکێکە لە هۆکارەکان بۆ سپینەبوونەوەی ددانەکان لەبەر ئەم هۆکارانەی خوارەوە:
-تەڕکردنی فڵچە پێش لێدانی مەعجون وادەکات باشتر بەر پوک و ددانەکان بکەوێت و زیان بە مینای ددان نەگەیەنێت.
-پارێزگای لە پاکوخاوێنی ددان دەکات و لە بەکتریا دەیپارێزێت.
-شێدارکردنەوەی فڵچە رێگری لە زوو خراپبوونی دەکات
-شێدارکردنەوەی فڵچە وادەکات باشتر پاشماوەی خۆراکەکان بە ددان و پوکەوە لێببنەوە.
