بەڕێوەبەرایەتیی تەندروستیی چەمچەماڵ رایدەگەیەنێت، لە رووداوێكی هاتوچۆدا لەسەر رێگای سلێمانی- چەمچەماڵ دوو كەس گیانیان لەدەستدا و 6 كەسی دیكەش برینداربوون.
بەپێی راگەیەندراوێكی بەڕێوەبەرایەتیی تەندروستیی چەمچەماڵ كە وێنەیەكی دەست تۆڕی میدیایی ئێستا كەوتووە و تێیدا هاتووە، كەمێك پێش ئێستا بەهۆی رووداوێكی هاتوچۆوە لەسەر ڕێگای سلێمانی – چەمچەماڵ دوو كەس گیانیان لەدەستدا و 6 كەسی تر برینداربوون.
تائێستا وردەكاریی رووداوەكە بڵاونەكراوەتەوە و تیمە فریاگوزارییەكان گەیشتوونەتە شوێنی رووداوەكە و لێكۆڵینەوەیان دەستپێكردووە.
