بەڕێوەبەرایەتیی گشتیی تەندروستیی سلێمانی ئامارێکی لەبارەی سووتاوییەوە بڵاوکردەوە، ئەوەی ئاشکراکردووە کە لە ماوەی مانگێکدا نزیکەی دوو هەزار کەس سەردانی نەخۆشخانەی سوتاوی و نەشتەرگەریی جوانکارییان کردووە و 177 کەسیش نەشتەرگەریی جوانکارییان بۆ کراوە.
لە ئامارەکەدا هاتووە، لە مانگی تەمموزدا هەزار و 749 کەس سەردانی نەخۆشخانەی سووتاوی و نەشتەرگەریی جوانكاریی ئیمێرجنسییان کردووە.
ئاماژە بەوە دەکات، لەو ژمارەیە 287 کەسیان سەردانی بەشی فریاکەوتنیان کردووە، هەزار و 165 کەسیشیان بۆ بەشی راوێژکاری و 297 کەس سەردانی بەشی چارەسەری نەخۆشخانەکەیان کردووە.
لەماوەی مانگی رابردوودا لەنەخۆشخانەی سووتاوی و نەشتەرگەری، 12 جوانكاریی نەشتەرگەریی سەروو گەورە و 146 نەشتەگەریی گەورە و 19 نەشتەرگەریی بچوك ئەنجامدراوە.
بەپێی ئامارەکە، 214 كەس داخڵكراون و 35 كەسیان لەبەشی سووتاوی و 179 یان لەبەشی جوانكاری بوون.
